A Lista de Honra da International Board on Books for Young People (IBBY) é unha escolma bianual de libros infantís destacados que naceu en 1956 e coñecida orixinariamente como The Hans Chistian Andersen Honour List.
A edición de 2026 conta con 191 candidaturas procedentes de 59 países e en 52 linguas diferentes. A través das propostas de GÁLIX, a LIX galega e a LIX en galego tamén están na Lista de Honra IBBY 2026.
Como escorrentar un lobo , de Antonio M. Fraga, publicado en Cuarto de Inverno e ilustrado por María Brenn, figura na categoría de escrita e Que é a guerra, de Eduard Altarriba e traducido ao galego por Moisés Barcia, publicado por Sushi Books, foi seleccionado na categoría de tradución.
A Lista de Honra IBBY 2026 pódese consultar e descargar nos seguintes enlaces
Recollendo as propostas do resto das seccións de IBBY de España podemos atopar:
Na modalidade de escrita:
- Zerria de Patxi Zubizarreta
- Un estiu de Claudia serra
- La leyenda del samurái y la mariposa azul de Pedro Caldas
Na modalidade de ilustración:
- Alexander Von Humboldt. Explorador de los inalcanzable de Rocío Martínez
Na modalidade de tradución:
- El desnuador d´embruixos, traducido por Xavier Pámies
- Neska baten memoria, traducido por Aiora Jaka Irizar
- Perfectamente imperfecto, traducido por Ana Flecha Marco
