Arredor de GÁLIX e a LIX galega actual: éxitos e desafíos
A Asociación Galega do Libro Infantil e Xuvenil (GÁLIX) fundouse en 1989 co obxectivo de traballar, de forma transversal, na promoción do libro infantil e xuvenil galego e impulsar iniciativas que contribuísen á creación de hábitos lectores entre a cativada e a mocidade.
Ante a recente renovación da súa directiva, este faladoiro non só permitirá dar a coñecer as novas caras que a compoñen e algunhas das súas propostas, senón tamén crear un foro de diálogo e debate arredor da situación da LIX galega actual, incluíndo os seus principais logros e tamén os non poucos desafios (algúns novos e outros vellos) que se nos presentan.
Participan (de esquerda a dereita):
Miguel García-Fernández, Presidencia
Sabela Fernández Trelles, Vogalía de Educación e formación
Ramón D. Veiga, Vogalía de escrita
Alba De Evan, Vicepresidencia e Tesourería
Ilustración: María Montes
Pódese consultar o resto do programa premendo na imaxe.
#festadoslibros #pontevedralibreira
