Premios do concurso do DILI 2020, “Un poema na túa voz”

Con motivo da celebración do Día Internacional do Libro Infantil 2020, Asociación Galega do Libro Infantil e Xuvenil (GÁLIX) convocou o concurso de lectura poética “Un poema na túa voz” para animar ás crianzas a ler e desfrutar da poesía en galego no seu tempo de lecer.

O certame contou, mesmo coas dificultades derivadas do andazo, con máis de 100 participantes nas categorías de:

• Lectorado Incial (1º, 2º e 3º de Educación Primaria)
• Lectorado Avanzado (4º, 5º e 6º de EP) e 
• Superlectorado (1º e 2º de ESO).

Tiñamos previsto un acto de entrega de premios, con presenza de autoridades e lectura dos poemas; mais as circunstancias obrigáronnos a adiar unha e outra vez o evento ata que decidimos facer a entrega a distancia, deixando as celebracións para tempos máis favorables.

Trasladamos o noso agradecemento ás gañadoras e gañador do concurso pola súa paciencia e comprensión e reiteramos os nosos parabéns.

Premios do Concurso DILI 2020 . “Un poema na túa voz” son:

• Lectorado Inicial: Paula Cañás Freire, co poema Cantarolas dos nenos de Xosé Neira Vilas.

• Lectorado Avanzado: Mencía Domínguez Iglesias, co poema O meu cuartode Manuel María.

• Superlectorado: Bruno Rodríguez Docobo, co poema O marde Fran Alonso.