XAN LÓPEZ DOMÍNGUEZ
é ilustrador, escritor e deseñador.
Naceu en Lugo ao final do ano 1957 e estudou Historia da Arte en Santiago de Compostela.
Iniciou a súa carreira como ilustrador coa súa participación na revista Xofre . Colaborou tamén en Can sen dono , Cine e historieta galega , A banda do 17 , BD Banda e Golfiño .
Fixéronse exposicións da súa obra en Barcelona, Boloña, Londres, Madrid, Munich, Roma e Tokio.
É un dos ilustradores con maior proxección internacional con máis de trescentos libros publicados en editoriais de dezaséis países. Con outros ilustradores coeditou unha obra gráfica para UNICEF. Recibiu numerosos e importantes galardóns polo seu labor:
Lista de Honra do IBBY en 1992 con Voces na Lagoa do Espantallo .
Ilustrador do ano 1994 na Feira de Boloña ,
Placa da Bienal de Bratislava (1991),
Premio Malba Tahon da Federação Brasileira do Livro Infantil e Juvenil (IBBY) (1994),
Lista de White Ravens da Biblioteca Internacional da Xuventude de Munich.
Seleccionado oficialmente pola sección española de IBBY como candidato ao Premio Astrid Lindgren 2008 e ao Premio Andersen 2010.
Como escritor as súas obras foron traducidas a trece idiomas. O seu libro Voces na Lagoa do Espantallo, publicado por Galaxia , foi considerado entre os cen mellores libros do século XX pola Fundación Germán Sánchez Rupérez .
ACCESO
