EDITORIAL RODEIRA, SOCIA Nº 104 DE GÁLIX
A Editorial Rodeira dedícase á edición de obras en galego, tanto de libros de texto e material escolar, en diversos soportes, como de literatura infantil e xuvenil.
A área de Publicacións Xerais está centrada na publicación de materiais curriculares e comparte un mesmo obxectivo: a educación, desde o nacemento ata a xuventude. Editamos libros de calidade que ensinan a xente nova a ser persoas no sentido máis amplo da palabra (a literatura como ferramenta capaz de desenvolver todas as dimensións do ser humano) e alimentamos a súa biblioteca ideal no seu itinerario de crecemento.
Por outra parte, ofrecemos pluralidadena selección de autores, xéneros e temas.
No ámbito do libro de texto e do material escolar, a oferta abrangue as diversas etapas educativas: Educación Infantil, Educación Primaria, Educación Secundaria, Bacharelato e Formación Profesional.
Datos de Interese
Pertence ao Grupo Edebé, un grupo editorial especializado en contidos educativos, que xurdiu a principios dos anos 80, como continuación da histórica Editorial Don Bosco. Pioneira na creación de materiais multimedia, desde hai máis de 20 anos desenvolve contidos dixitais curriculares e é provedora de servizos integrais educativos con plataformas de xestión e aprendizaxe.
