O galo que puxo un ovo de Indy García Acedo por Nuria Rama Fariña.
O libro do que vou escribir chámase O galo que puxo un ovo. Foi escrito por Indy García Acedo, ilustrado por Laura Torrado Varela e traducido por María Xesús González Ximénez. Foi publicado tanto en galego como en castelán por OQO editora.
Indy García non só se dedica a escribir. Ela é psicóloga titulada e ademais traballa como contacontos. Fai obradoiros creativos e diversas actividades para fomentar a lectura nos cativos. Esta obra en particular é o seu cuarto álbum.
Laura ten una ampla produción artística. Dela podemos salientar as súas ilustracións e murais. Ten un estilo moi distintivo, persoal e tenro. Busca transmitir sensacións.
A versión en castelán e en galego deste conto foron publicadas no mesmo día. É dicir, saíron á venda o un de marzo de 2023. É un libro pequeno de tapa dura. Conta con 36 páxinas que inclúen ilustracións e textos. Está dirixido a un público novo.
O libro conta a historia dun ovo perdido e como as galiñas andan a buscar por el. Por iso teñen que preguntarlles ós outros animais da granxa.
Son textos pequenos e sinxelos de ler para o publico máis novo. Doado de entender, non hai palabra complicadas ou que poidan confundir os lectores. Ademais, o texto utiliza a repetición da mesma pregunta unha e outra vez; o que varía é a contestación que reciben. No texto decatámonos de como os sons dos animais están resaltados para chamar a atención dos cativos.
