Este mes derónse a coñecer os libros seleccionados para o catálogo White Ravens 2017 , que cada ano elabora a Internationale Jugendbibliothek (International Youth Library) .
Dúas obras de autores galegos foron seleccionadas este ano para entrar nesta prestixiosa lista: Ollos, de Xulio Gutiérrez e Nicolás Fernández, editado en Faktoría K de Libros, e Jules Verne a vida secreta das mulleres planta, de Ledicia Costas e publicado por Xerais.
Ollos na web de Kalandraka.Ollos no catálogo White Ravens. / Jules Verne a vida secreta das mulleres planta na web de Xerais.Jules Verne a vida secreta das mulleres planta no catálogo White Ravens.
O catálogo White Ravens está formado por 200 títulos procedentes de 56 países e escritos en 38 linguas diferentes que fosen publicados o ano anterior e que, polas súas características (temática, innovación artística, estilo literario, deseño…), merecen ser destacados. A elección dos libros, entre os miles que recibe cada ano a biblioteca está feita por 20 especialistas en literatura infantil e xuvenil.
Os galardoados deste ano e o catálogo foron presentados oficialmente o 12 de outubro na feria de Frankfurt.
