A XANELA DE GÁLIX. Carlos Labraña

CARLOS LABRAÑA DRAMATURGO E SOCIO Nº 190 DE GÁLIX

Dramaturgo especializado no teatro para nenas e nenos. Acadou numerosos premios nese eido, como o Xeración Nós, o Estornela ou O Facho, con obras que se representan de maneira habitual nos colexios.

As súas últimas pezas amosan un xiro cara a temas mais sociais e reivindicativos, como son:

• O Valo (Premio Manuel María), sobre o drama dos refuxiados;

• Moito Morro Corporation Sociedade Ilimitada
  (Premio Gala do Libro 2017), unha crítica ácida sobre a crise
  económica;

• Estrelecer, de reivindicación feminista;

• Mambrú volveu da guerra, sobre a memoria histórica democrática (Premio SGAE 2022).

Participa activamente en diferentes asociacións para a promoción e difusión do teatro infantil galego e dirixe a compañía teatral Os Furabolos, onde se representan as súas pezas.

Nas respostas ao noso Cuestionario Lamote afirma, entre outras cousas:

...son poucos os autores e as autoras que teñen vida fóra do sistema educativo, polo que fai falla unha maior presencia nos medios de comunicación e un maior apoio das institucións.

Considera que a nosa LIX medrou moito e propón:

Agora o que toca é manter o conseguido, e explorar novos camiños tendo en conta a importancia das redes dixitais na sociedade.